Шрифт өлчүсү:
А+
А
А-
17 Апрел 2024

“Доғру Вәд” әмәлијјатынын 10 мүһүм мәгамы

Ман Башур, ливанлы тәдгигатчы

Биринҹи: Теһран Дәмәшгдәки Иран консуллуғунда Ислам Ингилабы Кешикчиләри Корпусунун (СЕПАҺ) бир нечә командиринин террор едилмәсинә ҹаваб олараг Иран Рәһбәрлији башда олмагла рәсмиләринин вердији вәди һәјата кечирди. Һәм дә бу әмәлијјат Иранын гүдрәтинин шүбһә алтына алындығы бүтүн һәрәкәтләрә реаксија иди.

Икинҹи: Тәл-Әвив вә Вашингтон бу әмәлијјатын нәтиҹәләрини нә гәдәр азалтмаға чалышсалар да, һеч ким инкар едә билмәз ки, Иранын һәрби әмәлијјаты сионист режимин һава мәканыны бир нечә саат мүддәтиндә пилотсуз тәјјарә вә ракетләрлә долдурду вә сионистләр арасында вәһшәт вә горху јаратды.

Үчүнҹү: Бу әмәлијјат Иран Ислам Республикасынын сон 45 илдәки санксијалар вә фитнәләрә бахмајараг мүһүм вә габагҹыл һәрби имканлара малик олдуғуну сүбут етди вә Иранын дүшмәнләри Теһранын ҝәләҹәк гаршыдурмаларда реаксија вермәк габилијјәтини дәрк етдиләр.

Дөрдүнҹү: Реаксија, мүттәфигләринә сөјкәнмәдән тәдбир ҝөрән бир өлкәдән иди вә бу, Иранын реҝиондакы мүттәфигләри васитәсилә реаксија верәҹәји илә бағлы тәһлилләрә зидд иди.

Бешинҹи: Иранын бу реаксијасы әрәб дүнјасы вә Ислам дүнјасынын әһвал-руһијјәсинин јүксәлдилмәси бахымындан әһәмијјәтли иди, хүсусән дә Фәләстиндә вә Гәззәдә бајрамы вә севинҹи ҝөрмәк олар.

Алтынҹы: “Доғру Вәд” әмәлијјаты Иран Ислам Республикасы илә сионист режим арасында гаршыдурмада јени баланс јаратды вә о да будур ки, сионист режимин Ирана гаршы истәнилән һүҹумуна реаксија Теһранын мүгавимәт охундакы мүттәфигләри васитәсилә дејил, Ислам Республикасынын дахилиндән олаҹаг.

Једдинҹи: Иранын реаксијасы һесабланмыш, реҝионал вә бејнәлхалг вәзијјәт нәзәрә алынмагла һәјата кечирилди. Белә дејилди ки, вәзијјәт нәзарәтдән чыха, диҝәр тәрәфдән дә реаксија вермәмиш ола.

Сәккизинҹи: Иранын реаксијасы Әрәб дүнјасы вә Ислам дүнјасынын диггәт јетирмәли олдуғу, әҝәр һәмрәјлик вә сөз бирлији, еләҹә дә Америка вә НАТО бојундуруғундан азад олмаг ирадәси оларса, сионист режимлә һәрби гаршыдурма вә онун үзәриндә гәләбәнин мүмкүн олмасында бир модел олду.

Доггузунҹу: Гәрбин реаксијалары Гәрблә сионист режим арасында мүнасибәтләрин пик нөгтәсини ҝөстәрди ки, бу режими дәстәкләмәк үчүн бејнәлхалг коалисија ардынҹадырлар, Ираг, Сурија, Ливија вә Јәмәнә гаршы јарадылмыш әввәлки коалисијалар кими.

Онунҹу: “Доғру Вәд” тарихи әмәлијјаты Әл-Әгса Туфаны тарихи әмәлијјатынын тәкмилләшмәси иди вә бундан Гәззәдә баш верән күтләви гәтлиамларын дајандырылмасы, Гүдс, Мәсҹидүл-Әгса вә ишғал олунмуш әразиләрдәки диҝәр мүгәддәс јерләрин азад едилмәсинин хејринә истифадә едилмәлидир.

Бунлара әлавә едилә билән башга ваҹиб мәгамлар да вар
1. Дүшмәнин вә ону дәстәкләјән ҝүҹләрин мүдафиә системинин зәиф тәрәфләринин вә имканларынын үзә чыхмасы;
2. Иран Ислам Республикасы вә мүгавимәт ҹәбһәсинин сон һүҹум ҝүҹүнүн ҝизли галмасы;
3. Гәрби Асијада гүввәләр балансында мүгавимәт ҹәбһәсинин хејринә ајдын дәјишиклик;
4. Сионистләр арасында тәһлүкәнин ҝенишләнмәси вә фикир ајрылыглары;
5. Сурија вә Ливанын тәһлүкәсизлијинин хүсуси шәкилдә артмасы;
6. Бөлҝәдә сионистләрин Иран Ислам Республикасына гаршы әмәлијјаты әлејһинә јени баланс вә гырмызы хәттин гурулмасы;
7…
3511 дәфә бахылыб
Лоадинҝ ...
Nur-Az Xeber
Go to TOP