Şrift ölçüsü:
A+
A
A-
Kr
02 Mart 2021

Qum Elmi Hövzələrinin müdiri: Azərbaycan Respublikasının Qarabağı tam azad etmə yolunda müvəffəq olacağına ümidvarıq

Qum Elmi Hövzələrinin müdiri Ayətullah Ərafi:

“17 rəbiül-əvvəl Qarabağ; ən yüksək dialoq” konfransı, inqilab rəhbərinin və böyük təqlid mərcələrinin Qarabağ barədə mövqeyini əsas almışdır və ümidvarıq Azərbaycan Respublikası azad etmə yolunda müvəffəq olacaq və bu ittifaq regionda dərin vəhdətin yaranması ilə nəticələnəcək.

News – Qum Elmi Hövzələrinin müdiri Ayətullah Ərafi, Qum şəhərində keçirilən “17 rəbiül-əvvəl Qarabağ” adlı beynəlxalq konfransı iştirakçılarını salamlayaraq, bu konfransda, öz bəyanatı ilə Azərbaycanın müsəlman xalqını dəstəkləmə mövqeyi göstərən Ali Məqamlı Rəhbər və habelə Qarabağ müharibəsi dövründə öz dəstək mövqeyini bildirmiş təqlid mərcələrinə minnətdarlığını bildirdi.

Ayətullah Ərafi bu konfransın keçirilməsini belə dəyərləndirdi ki, Qumun əzəmətli elmi hövzəsi və böyük təqlid mərcələri İslam dünyası məsələlərində mövqey sahibidirlər və Qarabağ hadisəsində də, “17 rəbiül-əvvəl Qarabağ” disputu da bu məsələni təsdiqləyir.

O dedi: İslam İnqilabı nəzəriyyəsi, İslam ümmətinin vəhdəti üzərinə köklənmiş və düşmənlər qarşısında işğalçı və hegemonlar qarşısında müqavimət və mübarizəyə dayanır.
Ərafi davam etdi: Biz gərək İslam sivilizasiyasına doğru hərəkət istiqamətində qərarlaşaq. İslam ümməti sonsuz mənbələrə malikdir və təcavüz obyektinə çevrilməməlidir.

Qum Elmi Hövzələrinin müdiri İslam dünyasının mərifət, elm, və region və İslam dünyasında böyük tarixi resurslara malik olduğunu bildirdi və dedi: İslam dünyası 1,5 milyarddan artıq müsəlman olan insan resursları və gənclərlə, böyük tarixi və mədəni resursla, 50-dən çox İslam ölkəsilə, dünyanın hərbi-strateji, enerji və mədən resurslarının 60 %-nə malik olmaq və böyük İslami iqtisadi zonalarının onların ixtiyarında olması ilə yanaşı, niyə dünyadakı proseslərdə İslam böyük bir toplum kimi təsirli olmasın?
O, əlavə etdi: Həqiqət budur ki, İslam İnqilabının ciddi bir sözü var və region ölkələrilə bizim sözümüz budur ki, öz xalqınıza arxalanın, öz dostlarınızla birliyə çatın və böyük İslami ittifaqa yetişin.
Bu elmi və dini şəxsiyyət əlavə etdi: Bizim Fələstindəki duruşumuz, bütün İslam məzhəblərinin başucalığı üçündür; İslamın əzəməti üçündür. Bu, “17 rəbiül-əvvəl Qarabağ; ən yüksək dialoq” konfransının da əsası və sütunudur.

Ərafi, “Qarabağ, ən yüksək dialoq” barədə bizim rəhbərimiz və görkəmli alimlərimizin də ciddi diqqətinin olmasına işarə edərək, bu məsələlərin xülasəsini qeyd etdi və dedi:

İslam torpaqlarının milli və məzhəbi kimi başqa meyarlar olmadan toxunulmazlığı təkid obyektidir və biz İslami ərazilərə hörmət qoyuruq və onların azad edilməsini lazım bilirik. Qarabağ Azərbaycan torpağında elə İslami ərazilərdən olmuşdur ki, oradan böyük alimlər ərsəyə gəlmişdir.

Qum Elmi Hövzələrinin müdiri əlavə etdi: Biz beynəlxalq qanun və sərhədlərə hörmət edirik və əlbəttə, işğalçılıqla barışmarıq. Harada İslam əraziləri işğal edilsə, müxalifət edəcəyik.
Doktor Ərafi xatırlatdı: Biz Qarabağın işğalı prosesində, qarşı tərəfin sülh yolu ilə onu azad etməyə hazır olmadığı halda, bu haqlı müqaviməti lazım bilirik.

O, regionda məskunlaşmış şəxslərin hüququna təkid edərək əlavə etdi: Bizim üçün regionun sakinlərinin ehtiramı istər müsəlman olsun, ya olmasın dəyərlidir və əlbəttə, bütün işğal edilmiş ərazilərin azad edilməsini təkidlə vurğulayırıq.

Sonda Doktor Ərafi “17 rəbiül-əvvəl Qarabağ; ən yüksək dialoq” konfransının mesajının inqilab rəhbəri və böyük təqlid mərcələrinin Qarabağ barədə mövqeyinə təkid etmək saydı və əlavə etdi: Ümidvarıq Azərbaycan Respublikası azad etmə yolunda müvəffəq olacaq və bu ittifaq regionda dərin vəhdətin yaranması ilə nəticələnəcək.


976 dəfə baxılıb
Loading ...
Nur-Az Xeber
20.03.21, 09:58
Bu gün Novruz bayramıdır
Go to TOP