Шрифт өлчүсү:
А+
А
А-
16 Мајыс 2015

Јохсуллуг вә хәстәлик ҝүнаһа гаршы...

Мөминин хәстәлији онун ҝүнаһларынын кәффарәсидир...
Тиббур-Рәсул (Пејғәмбәр тәбабәти)

Јохсуллуг вә хәстәлик ҝүнаһа гаршы...
Һәзрәт Пејғәмбәр (с) бујурур: Аллаһдан јохсуллуг вә хәстәлик ҝәләндә билин ки, ҝүнаһларынызы јумаг истәјир... Јенә бујурур: Мөминин хәстәлији онун ҝүнаһларынын кәффарәсидир... Бујурур: Хәстәлик анлары ҝүнаһларын јујулдуғу анлардыр.

Бәдән һәрарәтли оланда...
Инсан гыздырма кечирәндә онун ҝүнаһлары ағаҹдан јарпаглар төкүлән кими төкүлүр... Гыздырма һәр мөмин үчүн ҹәһәннәм одундан гуртулушдур. Бир ҝеҹә гыздырма бир ил ҝүнаһларын кәффарәсидир... Һәзрәт (с) бујурур: Гыздырма Аллаһын јер үзүндә зинданыдыр. Бәзән гыздырма өлүмүн башланғыҹы олур.

Һәр заман тәмизлик!
Һәзрәт Пејғәмбәр (с) бујурур: Һәгигәтән Ислам паклыгдыр. Пак олун, јалныз пак инсанлар беһиштә дахил олар.
Саггалынызы дарајын!
Һәзрәт Пејғәмбәр (с) бујурур: Саггалынызы дарајын, дырнагларынызы гысалдын. Шејтан түкләр вә дырнаглар алтындадыр.

Гәм-гүссәјә гаршы...
Һәзрәт Пејғәмбәр (с) бујурур: Ким дүнјада гәм-гүссә, чәтинликлә гаршылашса белә дуа етсин: “Аллаһу Рәбби ла ушрику биһи шәјән тәвәккәлту әләлһәјјилләзи ла јәмут” Әлламә Мирза Мәһәммәд Һүсејн (с) Наини зикир едир ки, рәвајәтдә сај билдирилмәсә дә бу дуанын 40 дәфә охундугда гәбул олунмасы мәнә сүбута јетиб. 

Евдән чыханда...
Һәзрәт Пејғәмбәр (с) бујурур: Евдән чыхан шәхс “Бисмиллаһ” десин. Мәләкләр она саламатлыгла мүждәләјәр. “Ла һәвлә вә ла гүввәтә илла биллаһ” десә мәләкләр она дејәр ки, ишләрин дүзәлди. Тәвәккәлту әләллаһ дејәндә мәләкләр ону бәлалардан аманда галмасы илә мүждәләјәр. 

Сеһр-ҹадуја гаршы...
Рәвајәтдә дејилир ки, Ҹәбраил Пејғәмбәрә (с) она гаршы сеһр едилдијини хәбәр верди. Пејғәмбәр Әлини (ә) чағырыб бујурду ки, филан гујуда сеһр вар, ҝет ону ҝәтир. Әмирәлмөминин (ә) дејилән јерә ҝетди, гујунун дибиндән бир һалға тапыб ону Пејғәмбәрә (с) ҝәтирди. Гујуда он бир дүјүн вурулмуш ип (“зиһи”) варды. Ҹәбраил “Нас” вә “Фәләг” сурәләрини ҝәтирди. Пејғәмбәр бујурду ки, Ја Әли, бу сурәләри дүјүнләрә оху. Һәзрәт Әли (ә) һәр ајәни охујанда бир дүјүн ачылырды. Сурәләр баша чатанда дүјүнләр ачылды вә сеһр батил олду.

Ҝөзүн ағрајырса...
Һәзрәт Пејғәмбәр (с) бујурур ки, ҝөз ағрыјанда бу дуаны охујун: “Әллаһуммә мәттәни бисәми вә бәсәри вәҹәлһа вәҹәлһәл-варисәјни минни вәнсурни әла мән зәләмәни вә әрини фиһи сари.” 

Һејванларын дәлилијинә гаршы...
Һәзрәт Пејғәмбәр (с) бујурур: Ја Әли! Һејван дәлилик едәндә онун сол гулағына оху: “Вә ләһу әсләму мән фиссәмавати вәләрзи тәвән вә кәрәһән вә иләјһи турҹәун.”

Чәтинлик заманы...
Һәзрәт Пејғәмбәр (с) Әлијә (ә) бујурду: Ја Әли (ә)! Бир шеј сәни горхуданда ја чәтинликлә растлашанда белә дуа ет: “Әллаһуммә инни әсәлукә биһәгги Муһәммәдин вә али Муһәммәд ән тусәлли әла Муһәммәдин вә али Муһәммәд вә ән тунҹини мин һазәл ғәмм.”

Гыздырмаја гаршы...
Һәзрәт Пејғәмбәр (с) Фатимәнин (с) јанына ҝәлди вә ҝөрдү ки, Һәсән (с) гыздырыб. Ҹәбраил назил олду вә деди: “Ја Мәһәммәд! Һәсәнин гыздырмасыны апараҹаг дуа сөјләјим? Һәзрәт (с) бујурду ки, бу дуаны өјрәт! Ҹәбраил деди: “Әллаһуммә ла илаһә илла әнтәл-әлијјил-әзим, вә лил-кәлиматит-таммат, вәддәәватил-мостәҹабат, һәлл ма әсбәғә бифулан” (Фулан сөзү јеринә гыздыран шәхсин ады чәкилир). Һәзрәт (с) бу дуаны охуду вә әлини Һәсәнин (ә) башына чәкди. Аллаһын лүтфү илә гыздырма арадан галхды.

Һакимдән горхуја гаршы...
Һәзрәт Пејғәмбәр (с) бујурур: Башчы, һакимдән горху јарананда бу дуаны охусаныз гуртуларсыныз. Мәни һагг олараг сечәнә анд олсун, нә вахт бу дуаны охудумса дүшмәнә галиб ҝәлдим. Дуа беләдир: “Ја алимәл-ғујуби вәссәраири ја мутаә ја әзизә ја әлимә ја һазимәл-әһзаби ли әһмәд ја каидә фирәвну лимуса ја мунҹи иса мин әјдиззулмәти ја мухәлләсә нуһун минәл ғәрги ја гасидә куллә хәјр, ја зәлҹәлали вәл икрам, ја халигәл хәјир, ја әһләл хәјр, рәғәбту иләјкә фи кәза вә кәза (Кәза вә кәза јеринә истәјини дејирсән) фәсәлли әллаһуммә әла Муһәммәдин вә алиһи вә фәррәҹ әнни әғисни вәстәҹибли вәрһәмни ја әрһәмәрраһимин.”

Диш ағрысына гаршы...
Ибн Аббас Пејғәмбәрин белә бујурдуғуну (с) нәгл едир. Диши ағрыјан адам бармағыны һәмин дишин үзәринә гојуб бу ики ајәни једди дәфә охусун. Әнам, 98: “Вә һувәлләзи әншәәкум мин нәфсин ваһидәтин фәмустәгәррун вә мустәвдәун гәд фәссәлнәл-ајати лигәвмин јәфгәһун.” (Сизи тәк бир нәфәрдән (Адәмдән) јарадан да Одур. (Сизин үчүн) бир гәрар јери (ана бәтни, ата бели вә ја јер үзү), бир дә бир әманәт јери (гәбир) вардыр. Биз ајәләримизи анлајан бир ҹамаат үчүн белә мүфәссәл бәјан етдик); Мулк, 23: “...Һувәлләзи әншәәкум вәҹәәлә ләкумуссәмә вәләбсарә вәләфидәтә гәлилән ма тәшкурун.” (...Сизи јохдан јарадан, сизә гулаг, ҝөз вә гәлб верән Одур. (Аллаһын немәтләринә) нә аз шүкүр едирсиниз!) Һәгигәтән, Аллаһын изни илә ағры арадан галхар.

Горхуја гаршы...
Бир шәхс Пејғәмбәрә (с) изтираб вә горхудан шикајәтләнди. Һәзрәт Пејғәмбәр (с) бујурду: Ким бу дуаны чох охуса Аллаһ ону горху вә изтирабдан узаглашдырар. Субһанәллаһи рәббил-мәләкул-гуддусу рәббул-мәлаикәти вәрруһ, халигуссәмавати вәләрзи зил иззәти вәлҹәбәрут”.

Үзүҹү фикирләрә гаршы...
Һәзрәт Пејғәмбәр (с) бујурур: Ким үзүҹү фикирләрә дүчар олса белә дуа етсин: “Аллаһу Аллаһу Аллаһу Рәбби Ла ушрику биһи шәјән тәвәккәлту әләл-һәјјилләзи ла јунаму вә ла јәмут”. Башга бир фәрәҹ дуасы: “Ја мән јәкфи мин кулли шәјин вә ла јәкфи минһу шәјун икфини ма әһәммәни.” Јәни, еј һәр шејә кифајәт едән вә һечнәјин кифајәт етмәдији, сән өзүн мәни дүшүндүрән шеји сона чатдыр.

Ҝүн узуну аманда галмаг үчүн...
Һәзрәт Пејғәмбәр (с) бујурур: Ким сүбһ бу дуаны охуса ҝүн баша чатана гәдәр һеч бир бәла ҝөрмәз. Һәр кәс ҝеҹә бу дуаны охуса сүбһә гәдәр бәладан аманда галар. Дуа беләдир: “Бисмиллаһилләзи ла јәзурру мәә исмиһи шәјун филәрзи вә ла фиссәмаи вә һувәссәмиул-әлим. ( О Аллаһын ады илә ки, ады илә јердә вә ҝөјдә бир шеј зәрәр ҝөмәз. О ешидән вә биләндир).
8176 بازدید
در حال ارسال اطلاعات...