Аллаһын дининин һифз вә давамы үчүн шәһадәт јолуну сечмиш Имам Мәккәни тәрк едирсә...
Имам Һүсејн (ә) бизә чох бөјүк бир дәрс верди. О, һәҹҹини јарымчыг гојуб, шәһадәтә үз тутду. Имам Һүсејнин ата-бабасы һәҹҹ јолунда ҹиһад етдикләри һалда, Һүсејн шәһадәт јолуну сечди. Бунунла да бүтүн Ислам үммәтинә анлатды ки, јәзидләрин пејғәмбәр тахтына варис олдуғу бир заманда Кәбәјә јох, Кәрбәлаја үз тутмаг лазымдыр.
Һәҹҹ бүтсындыран Ибраһимин јолудур. Төвһид үммәтинин бурулғаны Аллаһын дәвәтинә “ләббејк” дејәрәк, ешг вә иман, һәјәҹан вә горху илә Кәбә башына фырланыр. Бу чөһрәләр арасында пејғәмбәр сәһабәләри, ислам өнҹүлләри, ҹиһад гәһрәманлары, төвһид һамиләри, Гуран һафизләри, һәгиги руһаниләр ҝөрүнүр. Онлар Ибраһимлә әһд-пејманы тәзәләјирләр. Онлар дүнјаја арха чевириб, көнүлләрини Аллаһа бағламышлар. Мәләкләр онларын башына нур әләјир, Ҹәбраил ганадларыны онларын ајаглары алтына сәрир!
Бәс бу бурулғаны јарыб, шәһәрдән чыхан кимдир? Һамы Кәбәјә үз тутдуғу бир вахтда о һараја үз тутмуш?
Нә үчүн имамын јарымчыг гојдуғу һәҹдә Кәбә башына фырланан бурулғанын маһијјәтини дәрк етмәк чәтин олур? Дөврүн имамы даһа зәрури бир һәдәфә үз тутурса, галанлар кимдир? Мәҝәр имамсыз дин вармы? Аллаһын дининин һифз вә давамы үчүн шәһадәт јолуну сечмиш имам Мәккәни тәрк едирсә, бу јол һамы үчүн зәрури олмурму?
Онларса галыб, Кәбәнин башына фырланыр, Кәбәдән Әрәфата, Әрәфатдан Мәшәрә, Мәшәрдән Минаја гаранлыг бир јол кечирләр. Онларын дашлајаҹағы үч бүт дашлардан зөвг алыр. Иблис халгы һәр васитә илә Минада сахлајыр. Чүнки әсил дөјүш Кәрбәлададыр. Минада оланларса, кәсдикләри гурбанлары да өз нәфсләри јолунда кәсир. Онларын әли һәгигәтин ганына булашмышдыр. Онлар үч бүтүн һакимијјәти алтындадырлар. Онларын кечирдији гурбан бајрамы бәшәријјәтин мәһвинин бајрамыдыр.
Бәли, һәгигәтә, дүнјада баш верәнләрә, үч шәр гүввәнин ҹинајәтләринә, халгларын истисмарына, ислам ҝерчәкликләринә, тәҹавүзә биҝанә галараг, Кәбәнин башына доланмаг Иблисин башына доланмагдыр!
Имам Һүсејн (ә) шәһадәт јолуну сечир! Бу сечим бир даһа бәшәријјәтә өјрәдир ки, исламын маһијјәтини Иблисин мүҹәссәмәси илә јох, муздурлары илә ҹиһад тәшкил едир!
