Мән Мәдинәдән нә өзүмү горумаға, нә азғынлыға, нә һәваји-нәфсә табе олмаға, нә дә фәсад вә зүлм төрәтмәјә ҝөрә чыхмырам
Имам Һүсејн (әлејһиссәлам) Мәдинәдән һәрәкәт етмәздән әввәл гардашы Мәһәммәд Һәнәфијјәјә бир вәсијјәтнамә јазды. Вәсијјәтнамәдә Имам өз ингилабынын сәбәбини Ислам үммәтинин ислаһ едилмәси, әмр бе-мәруф вә нәһј әз-мүнкәр вә ҹәдди Пејғәмбәр (сәлләллаһу әлејһи вә алиһ), атасы Әли әлејһиссәламын сүннәсинин дирчәлдилмәси олдуғуну билдирмишдир. Имам Һүсејн (әлејһиссәлам) бу вәсијјәтнамәдә өзүнүн төвһид, нүбүввәт вә мәада олан әгидәсини билдирдикдән сонра белә јазмышдыр:
«...Мән Мәдинәдән нә өзүмү горумаға, нә азғынлыға, нә һәваји-нәфсә табе олмаға, нә дә фәсад вә зүлм төрәтмәјә ҝөрә чыхмырам. Мәним бу һәрәкәтдән мәгсәдим ҹәддимин үммәтинин фәсадыны ислаһ, әмр бе-мәруф вә нәһј әз-мүнкәри иҹра етмәкдир. Мән ҹәддимин вә атамын сүннәси илә һәрәкәт етмәк истәјирәм. Ким һаггын һөрмәтини горумаг хатиринә бу јолда мәнә гошуларса, мән өз јолумла һәрәкәт едәҹәјәм. Гој Аллаһ мәнимлә бу гөвм арасында һаким олсун. Һәгигәтән О, һакимләрин ән јахшысыдыр.» (Биһарүл-әнвар, ҹ.44, сәһ.329.)
Ҝөрүндүјү кими Имам Һүсејн (әлејһиссәлам) бу вәсијјәтнамәдә ашағыдакы дөрд шеји өз ингилабынын сәбәби кими гејд етмишдир:
1) Üммәти ислаһ етмәк;
2) Əмр бе-мәруф;
3) Нәһј әз-мүнкәр;
4) Бабасы Пејғәмбәрин (сәлләллаһу әлејһи вә алиһ), атасы Әли әлејһиссәламын сүннәсинә итаәт етмәк вә онларын сүннәсини ҹәмијјәтдә дирчәлтмәк.
