Азәрбајҹан Руһаниләр Мәҹлиси (АРМ) Сәрдар Һаҹыһәсәнлинин полис тәрәфиндән ганунсуз сахланылмасы илә бағлы бәјанат гәбул етмишдир
Хәбәр вердијимиз кими, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору руһани Шејх Сәрдар Һаҹыһәсәнли өтән ҝүн сахланылыб.
Азәрбајҹан Руһаниләр Мәҹлиси (АРМ) Сәрдар Һаҹыһәсәнлинин полис тәрәфиндән ганунсуз сахланылмасы илә бағлы бәјанат гәбул етмишдир.
АРМ-ын бәјанаты:
Бисмиллаһир-Рәһманир-Рәһим.
“Бөјүк тәәссүф һисси илә гејд етмәлијик ки, өзүнү Ислам дүнјасынын нәинки ајрылмаз бир парчасы һесаб едән, һәтта бир чох мүсәлман дөвләтләринә “биз нүмунәви мүсәлман өлкәсијик” чағрышы едән бир өлкәдә Ислам дининин тәблиғи илә мәшғул олан бир кәсин бу дини тәблиғ етдији үчүн истинтага ҹәлб едилиб сонрадан барәсиндә һәбс гәтимкан тәдбиринин сечилмәси ҝүлүнҹдоғуруҹу һалдыр.
Азәрбајҹан Руһаниләр Мәҹлиси (АРМ) динин садиг горујуҹусу, сағлам дүшүнҹәјә малик, ҝөзәл әхлаг саһиби, даим зүлм вә залыма гаршы барышмаз мөвге сәрҝиләјән вә һәјатыны динин марагларына һәср едән Шејх Сәрдар Һаҹыһәсәнлијә гаршы атылан бу аддымы Аллаһ, Онун Пејғәмбәри (с) вә имам Замана (ә.ҹ) гаршы елан едилән дүшмәнчилик кими дәјәрләндирир вә сонда бу дөјүшүн Аллаһ вә динин гәләбәси, залым дәстәнин исә мәғлубијјәтилә битәҹәјинә инаныр.
Унутмаг олмаз ки, дин мүдафиәчиләрини мүхтәлиф јалан вә әсассыз бәһанәләрлә шәрләјиб һәбс етмәк, һеч дә Исламын зәифләмәсилә битмәмиш, бундан сонра да битмәјәҹәк. Чүнки Исламын өзүнү мүдафиә етмә механизми онун өз тәлимләринин ичәрисиндә јерләшдирилмишдир.
Биз Азәрбајҹан Руһаниләр Мәҹлиси (АРМ) олараг бу һәбси сифаришли һесаб едир, ону гәтијјәтлә писләјир вә мәсәләнин мүсбәт истигамәтдә һәлл олунмасына чағырыш едирик.”
Азәрбајҹан Руһаниләр Мәҹлиси (АРМ)
