Шрифт өлчүсү:
А+
А
А-
17 Нисан 2017

Ахунд молла Һүсејнгулу Һәмәданинин мәктубу

Илаһи мәһәббәти тәләб етдијин һалда ҝүнаһа дүчар олмағын налајиг бир ишдир
Рәббани вә илаһи алим, заһид вә ариф мәрһум Ахунд Молла Һүсејнгулу Һәмәдани (рәһмәтуллаһи әләјһ) Тәбриз алимләриндән биринә белә бир мәктуб јазыр:
«Бисмиллаһир-рәһманир-рәһим. Әлһәмду лиллаһи Рәббил-аләмин. Вәссәлату вәссәламу әла Муһәммәдин вә алиһит-таһирин вә ләнәтуллаһи әла әдаиһим әҹмәин.
Дини гардашлара ҝизли галмасын ки, бүтүн һәрәкәтләрдә, сүкунәтләрдә, данышыгларда, анларда вә саирәдә шәриф шәриәтә там дәгигликлә әмәл етмәкдән башга јолла Аллаһ дәрҝаһына јахынлашмаг олмаз. Зөвги хурафатлар, һәтта әҝәр бу мәгамдан башга јерләрдә јахшы олса да белә, бу, ҹаһилләрин вә суфиләрин адәтидир вә инсаны мәгсәддән даим узаглашдырыр. Һәтта бир шәхс саггалыны гырхмамаға вә әт јемәмәјә адәт етсә, имамларын исмәтинә иман ҝәтирмиш олса белә, һәмчинин зикрин кејфијјәтиндә дә мәсум имамлардан (ә) нәгл едиләнләрдән башгасына әмәл едәрсә, баша дүшмәлидир ки, јенә дә Аллаһдан узаглашаҹагдыр. Буна әсасән, шәриф шәриәти һәр шејдән габаға салмалы вә она әмәл етмәјә ҹидијјәт ҝөстәрмәлидир. Шәриәтдә диггәт јетирилән һәр шејә, еләҹә дә бу зәиф бәндәнин әгли вә нәгли дәлилләрдән әлдә етдијинә ҝөрә, Аллаһ дәрҝаһына јахынлашмаг үчүн мөвҹуд олан јолларын ән мүһүмү ҝүнаһы тәрк етмәкдә ҹидди сәј ҝөстәрмәкдир. Бу хидмәти етмәјинҹә нә зикрин, нә дә фикрин гәлбин һалына фајдасы олмајаҹагдыр. Чүнки, Султаны инкар едиб она гаршы чыхан бир шәхсә хидмәт вә пешкәш етмәк фајдасыздыр. Билмирәм һансы султан әзәмәтли шәриәт саһиби олан бу Султандан бөјүкдүр?! Һансы әдавәт онунла олан әдавәтдән даһа гәбаһәтлидир?!
Сәнә хатырлатдыгларымдан баша дүш ки, илаһи мәһәббәти тәләб етдијин һалда ҝүнаһа дүчар олмағын налајиг бир ишдир. Ҹидди шәкилдә ҝүнаһын нифрәтә сәбәб олмасы вә нифрәтин дә мәһәббәтлә зидд олмасыны билдијин һалда билмәлисән ки, ҝүнаһы тәрк етмәк динин һәм әввәлидир, һәм дә ахыры. Һәм батинидир, һәм дә заһири. Белә исә, ҝүнаһлара гаршы ҹиһада галх, бүтүн сәјләрини топлајыб сүбһ јухудан дурдуғун вахтдан, ахшам јатдығын вахта гәдәр бүтүн анларда ҹиддијјәтлә мүрагибәјә (өзүнә нәзарәтә) мәшғул ол. Һагг-Тәаланын мүгәддәс һүзурунда әдәб гајдаларына риајәт ет. Бил ки, сән бүтүн вүҹудунун һиссәләри илә белә зәррә-зәррә Онун гүдрәти даирәсиндә әсирсән. Онун һүзурунун шәриф һөрмәтинә риајәт етмәлисән. Елә ибадәт ет ки, санки Ону ҝөрүрсән, сән Ону ҝөрмәсән дә О сәни ҝөрүр. Даим Онун әзәмәтинә, өзүнүн исә һәгир вә зәлиллијинә, Онун јүксәк мәгамына, өзүнүн алчаг мәгамына, Онун иззәтинә, өзүнүн зилләтинә, Онун гәнилијинә, өзүнүн исә башдан-ајаға еһтијаҹлығына диггәт јетир.
5331 بازدید
در حال ارسال اطلاعات...