Шрифт өлчүсү:
А+
А
А-
28 Нисан 2017

МӨМИН ВӘ ИЛАҺИ НЕМӘТЛӘР

Әслиндә дүнја һәјатында чәтинликләр лабүддүр
Имам Садигин (ә) нәсиһәтләриндән

Арашдырма апарыб доғру һәдәфи таныјан вә дүзҝүн әмәл едән инсан һансыса дүнја вә ахирәт немәтиндән мәһрум ола биләрми? Аллаһ-тәала каинаты инсанын тәкамүлә чатмасы вә әбәди сәадәтә наил олмасы үчүн јаратдығындан доғру јол јолчусунун илаһи немәтләриндән мәһрум едилмәси мәнтигсиз оларды. Һәтта азғын инсанлар бу немәтләрдән фајдаландығы һалда, мөмин шәхс нә үчүн мәһрум олмалыдыр?! Аллаһ-тәала мөмин үчүн фајдалы олан бүтүн немәтләри она әта едир. «Һәдид» сурәсинин 21-ҹи ајәсиндә бујурулур: «Ҝөјләр вә јер гәдәр ҝениш олан беһиштә наил олмаг үчүн чалышын!». Битиб-түкәнмәз беһишт немәтләри дүнја немәтләриндән тамамилә фәргләнир. Бу немәтләрдән истифадә едән дојуб чәкинмәз. Орада нә јорғунлуг, нә зәифлик, нә дә ағры-аҹы олар. Доғру јолу таныјыб онунла сон мәгсәдә чатанлар үчүн ахирәтдә һеч бир чәтинлик јохдур. «Зухруф» сурәсинин 71-ҹи ајәсиндә бујурулур: «Орада онларын үрәкләри истәјән вә ҝөзләрини охшајан һәр шеј олаҹагдыр». Әлбәттә ки, бу немәтләри тәсәввүр етмәк чәтиндир. Амма дүнја немәтләри, һәтта һалал олдугда белә мәһдудијјәтләрә мәһкумдур. Инсан бу немәтләрдән истифадә едәркән һәдди ҝөзләмәсә фәсадларла үзләшәр. Аллаһ истәдији бәндәләрә дүнја немәтләрини мәһдуд верир ки, инсан бу немәтләрин әсарәтинә дүшүб ахирәт сәадәтинин тәминатчысы олан имандан мәһрум олмасын. Елә бу сәбәбдән дә бәзи лајигли бәндәләр дүнја чәтинликләри илә үзләширләр.
Əслиндә дүнја һәјатында чәтинликләр лабүддүр. Әҝәр дүнја немәтләринин чохлуғу инсаны камилләшмәси үчүн фајдалы олсајды Аллаһ өз лајигли бәндәләрини бу немәтләрә гәрг едәрди. Лајигли бәндәләр Аллаһа тәвәккүл едәрәк адәтән белә дуа едирләр: «Еј Рәббимиз, бизә фајдалы билдикләрини нәсиб ет». Беләҹә, Аллаһ өз истәкли бәндәләринә јалныз фајдалы немәтләр әта едир. Әҝәр бир мөмин үчүн дүнја чәтинликләри јаранырса бу ишдә мәгсәд онун ахирәт мәгамыны јүксәлтмәкдир.
Бәс бу инсанлар кимдир? Јараныш мәгсәдини анлајанлар, јохса һәгиги мәгсәдә доғру һәрәкәт едәнләр? Бу инсанлар јәһуди, мәсиһи, јохса буддистдирләр?
Бизим әгидәмизә ҝөрә јеҝанә доғру јол Исламдыр. Ахирәт сәадәтини јалныз мүсәлман анлаја биләр. Инсанын һәгиги иткиси Аллаһа јахынлыгда ахтарылмалыдыр. Мүсәлманын һәгиги истәји Аллаһдыр. Аллаһа чатмаг үчүн јеҝанә јол Ислам ҝөстәришләринә әмәл етмәкдир. Бир мүсәлманын Ислам ҝөстәришләриндән хәбәрсиз галмасы гејри-мүмкүндүр. Демәк, мәгсәди таныјан аз-чох доғру јолу да таныјыр. Дүнја вә ахирәт немәтләринә чатмаг белә бир шәхсин һаггыдыр.
4033 بازدید
در حال ارسال اطلاعات...