Шрифт өлчүсү:
А+
А
А-
14 Ауғустос 2017

ӘХЛАГ

Нәфсини тәрбијә едән инсан мәләкдән үстүн...
Ислам тәлими үч һиссәдән ибарәтдир вә онун икинҹи һиссәси әхлагдыр. Әхлаг нәфсин тәрбијәси илә мәшғул олан олдугҹа әһәмијјәтли бир елмдир. Дини мәнбәләрә истинадән мәләкләр јалныз әглә, һејванлар исә јалныз нәфсә малик олдуғу һалда, инсан һәм әглә, һәм дә нәфсә саһибдир. Нәфсини тәрбијә едән инсан мәләкдән үстүн, нәфсини өзбашына бурахан инсан исә һејвандан алчагдыр. Динин әсасларына инаныб һөкмләринә әмәл едән инсан нәфсини тәрбијә едиб өзүнү ҝөзәл әхлага чатдырмазса, хошаҝәлмәз агибәтлә үзләшәр. Гурани-Кәримин үч ајәсиндә «тәрбијә» сөзү «тәлим» сөзүндән әввәл ишләдилиб. («Бәгәрә» сурәси, ајә 151; «Али-Имран» сурәси, ајә 164, «Ҹумуә» сурәси, ајә 2.)

Ислам Пејғәмбәри (с) бујурур: «Сизә әхлаги дәјәрләри төвсијә едирәм». Имам Садиг (ә) бујурур: «Аллаһ-тәала Пејғәмбәрләри инсанларын әхлагынын тәрбијәси үчүн ҝөндәрмишдир». Һәзрәт Әли (ә) бујурур: «Әхлаги дәјәрләр сәадәт јолудур».
İмам Сәҹҹад (ә) белә дуа едир: «Пәрвәрдиҝара, даим пислијә чағыран нәфсдән сәнә шикајәт едирәм».
Бәли, инсанын ики «мән»и вар: һејвани вә инсани. «Һејвани мән»ә итаәт едән инсанын истәји јемәк-ичмәк, шәһвәт, ҝејим, ев-ешик, ҹаһ-ҹәлалдыр. «Инсани мән» исә әгли дүшүнҹәјә, ҝөрдүкләриндән нәтиҹә чыхарыб илаһи ҝөстәришләрә итаәт етмәјә, әхлагыны зинәтләндирмәјә чағырыр. «Нәҹм» сурәсинин 39-ҹу ајәсиндә бујурулур: «Инсан үчүн чалышганлығындан башга бир шеј јохдур».
5165 بازدید
در حال ارسال اطلاعات...