Тәбиәтә нәзәр салын; јерин ҝүнәш, ајын јер әтрафындакы һәрәкәтини изләјин
Гејд етмәк лазымдыр ки, динин беш үсулуну (Төвһид; Әдл; Нүбүввәт; Имамәт; Мәад.)Â кор-коранә гәбул етмәк олмаз вә бу мәсәләдә тәглидә иҹазә верилмир. Инсан истәнилән бир јолла динин беш әсасына инам әлдә етмәлидир. Гуран вә һәдисләрдә Аллаһын бирлијинә дәлил олаҹаг кифајәт гәдәр бујуруглар вардыр.
«Бәгәрә» сурәсинин 163-164-ҹү ајәләриндә охујуруг: «Сизин танрыныз ваһид Аллаһдыр вә Ондан башга танры јохдур… Һәгигәтән, ҝөјләрин вә јерин јарадылмасында, ҝеҹә вә ҝүндүзүн бир-бирини тәгиб етмәсиндә, инсанлара фајда үчүн дәниздә үзән ҝәмиләрдә, Аллаһын јағыш ендириб өлү јери дирилтмәсиндә, нөвбәнөв һејванлары әтрафа јајмасында, күләкләри доландырмасында, ҝөјлә јер арасында Аллаһа табе олан булудларда ағыл саһибләри үчүн дәлиләр вардыр».
Тәбиәтә нәзәр салын; јерин ҝүнәш, ајын јер әтрафындакы һәрәкәтини изләјин. Јерин ҝүнәш әтрафында фырланмасындан дөрд фәсил, јерин өз оху әтрафында фырланмасындан исә ҝеҹә-ҝүндүз јараныр.
Ҝүнәш истисиндән дәнизин сују бухарланыб булуда дөнүр, һавадакы истилик фәргиндән јаранмыш күләкләр булудлары дағлара говур. Дағлара јаған гар вә јағышлардан јаранмыш чајлар јер үзүнүн јашыл өрпәјини дирчәлдәрәк јенидән дәнизләрә гајыдыр.
Бүтүн бу ганунаујғунлуглар, каинатын белә бир низамлы гурулушу ваһид олан Аллаһын варлығына шәһадәт вермирми?! Товуз гушунун ҝүнәш шүалары алтында бәрг вуран әсрарәнҝиз сурәти бөјүк рәссамдан данышмырмы?!
