Шрифт өлчүсү:
А+
А
А-
19 Ејлүл 2017

Аллаһ һәр бир мөмин бәндә үчүн 40 пәрдә гәрар вермишдир

Ҝүнаһ өз саһибини рүсвај едир вә ҹәмијјәт ҝүнаһкары бармагла ҝөстәрир.
Рүсвајчылыг
Бәзиләри елә дүшүнүр ки, хәлвәтдә ҝүнаһа јол версәләр, һәм ләззәт алаҹаглар, һәм дә шәхсијјәтләри горунаҹаг. Амма унудурлар ки, ҝүнаһын сәҹијјәләриндән бири инсаны рүсвај едиб һөрмәтдән салмагдыр. Һарам әмәлләри нәзәрә алмајыб ҝүнаһа јол верән кәс илаһи һимајәдән мәһрум олур, өз башына бурахылыр. Ҝүнаһ исә өз саһибини рүсвај едир вә ҹәмијјәт ҝүнаһкары бармагла ҝөстәрир.
Мәсум имамлардан ујғун мөвзуда хејли һәдис јадиҝар галмышдыр. Амма онларын арасында ујғун һалы даһа дәгиг бәјан едән бир нечә һәдис мөвҹуддур. Имам Садиг (ә) бујурур: “Аллаһ һәр бир мөмин бәндә үчүн 40 пәрдә гәрар вермишдир. Һәр ҝүнаһ бир пәрдәни галдырыр. Инсан мөмин гардашында ејб ахтарыб онун пислијини данышдыгда бүтүн 40 пәрдә кәнара чәкилир. Белә бир инсан һөрмәтини итирир, сәмаларда мәләкләр, јердә инсанлар ону рүсвај едир. Онун бүтүн ҝүнаһлары билинир вә јада салыныр. Һәмин бәндәни горумаг әмри алмыш мәләкләр әрз едир: Пәрвәрдиҝара, Сән бизә бу бәндәни һифз етмәји тапшырмысан, о исә артыг рүсвај олуб.” Аллаһ хитаб едир: Еј мәним мәләкләрим! Мән бу бәндәмә хејир истәсәјдим ону рүсвај етмәздим. Бу бәндәни горујан ганадларынызы кәнара чәкин, о бундан сонра хејирә доғру ҝетмәјәҹәк.” (Биһар, 73-ҹү ҹилд, сәһ.361.)
Имам Багир (ә) бујурур: “Мөмин бир бәндә пис ишә јол вердикдә онун һәрәкәти Аллаһа хош ҝәлмир. Бу иш биринҹи дәфә баш вердикдә Аллаһ онун сиррини өртүр, икинҹи дәфә баш вердикдә јенә өртүр. Үчүнҹү дәфә исә Аллаһ мәләкләрдән бирини инсан сурәтиндә ҝөндәрир вә һәмин мәләк халга бу бәндәнин пис иши һаггында данышыр. Беләҹә бәндә рүсвај олур.” (Биһар, 73-ҹү ҹилд, сәһ.362.).
5132 بازدید
در حال ارسال اطلاعات...