Шрифт өлчүсү:
А+
А
А-
19 Шубат 2018

Бу ҝүн Ханым Фатимәнин (с) шәһадәт ҝүнүдүр

Пејғәмбәр (с) белә бујурурду: “Фатимә бәдәнимин бир парчасыдыр. Она әзијјәт верән мәнә әзијјәт верир.”
Фатимә (с) Пејғәмбәрин әмиси оғлу, һәм дә биринҹи Имамымыз Һәзрәт Әли (ә) илә бир јердә, Ислам Пејғәмбәринин (с) һимајәси алтында илаһи тәрбијә алыблар.

Һәзрәт Фатимә (с.ә) Ислам Пејғәмбәринин (с) дөрдүнҹү вә ән кичик гызы иди. Ону һәм дә Таһирә, Зәкијјә, Разијјә, Зәһра, Бәтул чағырырдылар. Аллаһ-Таала ону вә онун ашигләрини ҹәһәннәм атәшиндән горујаҹағына ҝөрә “Фатимә” адландырылыб. Еркән јашларындан анасыны итирән Һәзрәт Фатимә (с) пејғәмбәрлик вәзифәсини јеринә јетирән атасынын меһрибан чағырышларына әтрафдакыларын истеһза илә јанашмасынын шаһиди олуб. Атасына сәдагәтли вә әсл ана гајғысы ҝөстәрдијинә ҝөрә “Умму Әбиһа”, јәни “атасынын анасы” адландырылыб. Пејғәмбәрин (с) өз кичик гызы Фатимәјә (ә) олан мәһәббәти мисилсиз олуб. Гадына вәһши мүнасибәтин һаким олдуғу бир дөврдә Ислам Пејғәмбәринин (с) Фатимәјә олан севҝиси һәм гадына верилән әһәмијјәтдән, һәм дә атанын өвладына олан һејрәтамиз мәһәббәтиндән данышыр. Һәтта Пејғәмбәр (с) белә бујурурду; “Фатимә бәдәнимин бир парчасыдыр. Она әзијјәт верән мәнә әзијјәт верир.” Фатимә (с) Ислам Пејғәмбәринин әмиси оғлу, һәм дә биринҹи Имамымыз Әмирәлмөминин Әли (ә) илә бир јердә, Ислам Пејғәмбәринин (с) һимајәси алтында илаһи тәрбијә алыблар. Онлар Аллаһын разылығы илә бәшәријјәтә нүмунә олаҹаг бир аилә гурублар. Касыб һәјат тәрзинә бахмајараг онлар бир-биринә гаршы сәмими вә меһрибан һәјат јолдашлары идиләр. Ән чәтин вәзијјәтдә дә Фатимә Әлидән (ә) нә исә тәләб етмир, ону әзијјәтә салмаг истәмирди. Фатимә (с) о гәдәр ҝөзәл һәјат јолдашы олуб ки, Һәзрәт Әли (ә) онун барәсиндә белә сөјләјиб: “Фатимә Аллаһа итаәтдә ән јахшы көмәкчидир.” Һәзрәт Фатимә (с) чох гыса бир өмүр сүрүб. О, атасынын вәфатындан сонра һәјасыз мүнафигләрин зүлмләринә садәҹә 75 ҝүн давам ҝәтирә билди. Һәмин вахтлар Һәзрәт Әли (ә) һәјатынын ән ағыр ҝүнләрини јашады. Әмирәлмөминин Әли (ә) она тапшырылан әманәти өзү торпаға тапшырды вә һеч кимә ону һарада дәфн етдијини сөјләмәди. Онун һарада дәфн олундуғуну тәкҹә Имам Әли (ә) вә өвладлары билдиләр.
3666 بازدید
در حال ارسال اطلاعات...