Шрифт өлчүсү:
А+
А
А-
14 Нисан 2018

"Һәр кәс залым бир шәхсин јашамағыны истәсә, ону тәрифләсә..."

Залым бир шәхсин һаким олмасына разы олмаг зүлмә көмәк етмәкдир
Ҝүнаһа шәраит јарадан иҹтимаи амилләрдән бири дә ҝүнаһа вә зүлмә көмәк етмәкдир. Чүнки ҝүнаһкара вә залыма етдији ишдә көмәк етмәк ону өз јолунда даһа да гүдрәтли вә сыртыг едир. Бу исә ҹәмијјәтдә ҝүнаһын вә зүлмүн чохалмасына сәбәб олур.
Мәсәлән: Һиҹабсызлыг иҹтимаи бир ҝүнаһдыр. Башгаларынын һиҹабсызлыға имкан јаратмасы бу ҝүнаһын ади бир шәклә дүшмәсинә сәбәб олаҹагдыр. Ислам дининдә зүлм вә ҝүнаһын јајылмасына көмәк етмәк гадаған олунуб вә бу барәдә чохлу хәбәрдарлыг верилмишдир. Бу һагда олан бир нечә ајәни нәзәринизә чатдырырыг:

«Маидә» сурәсинин 2-ҹи ајәсиндә охујуруг: «Јахшы ишләр вә тәгва јолунда бир-биринизлә һәмкаралыг един. Ҝүнаһ вә дүшмәнчилик јолунда һеч вахт бир-биринизлә һәмкарлыг етмәјин».

Һәгигәтдә дә беләдир. Јахшы ишләрдә һәмкарлыг олунса вә пис ишләрдә һәмкарлыгдан чәкинилсә, ҹәмијјәтдәки чәтинликләрин чох һиссәси һәлл олар вә чохлу ҝүнаһларын гаршысы алынар.

«Һуд» сурәсинин 113-ҹү ајәсиндә охујуруг: «Залымлара мејлинизи салмајын, јохса од тутарсыныз».

Јәни залымларла һәмкарлыг етмәк, дост олмаг вә онларын ишинә гаршы разы олмаг ҝүнаһдыр. Онлардан узаг олун вә онларла бүтүн әлагәни кәсин.

“Әнам» сурәсинин 68-ҹи ајәсиндә охујуруг: «Диггәтли олдугдан сонра залымларла отурма».

«Инсан» сурәсинин 24-ҹү ајәсиндә охујуруг: «Онлардан кафир вә ҝүнаһкар олан шәхсин сөзүнә бахмајасан.»

Үмумијјәтлә, “сөзүнә бахма”, “сөзүнә бахмајын” вә “табечилик етмә” кәлмәләри ҝәлән Гуран ајәләриндә залымлара вә ҝүнаһкарлара көмәк етмәк гадаған олунмушдур.
Бу барәдә һәдисләрдә дә ҝениш бәһс олунмушдур. Бурада бир нечә һәдисә диггәт јетирәк:

Һәр кәс залым бир шәхсин јашамағыны истәсә, ону тәрифләсә вә јахуд она тәзим етсә, онун (залымын) зүлмүндә шәрикдир. Ҹәһәннәмдә исә Һаманын (тарихдә ҹинајәткар бир шәхсдир) кәнарында олаҹагдыр. (Вәсаилүш-шиә, 12-ҹи ҹилд, 133, 134-ҹү сәһ.)

Залым падшаһдан мәваҹиб алан (јәни она хидмәт едән) шәхс гијамәт ҝүнү донуз сифәтиндә мәһшур олаҹагдыр. (Биһарүл-әнвар, 75-ҹи ҹилд, 374-ҹү сәһ.)

Залым падшаһын үзүнә диггәтлә бахмаг бөјүк ҝүнаһлардан һесаб олунур. (Биһарүл-әнвар, 75-ҹи ҹилд, 374-ҹү сәһ.)

Залым бир шәхсин падшаһ олмасына разы олмаг зүлмә көмәк етмәкдир. Аллаһын ләнәти дә белә шәхсә шамилдир.

Гијамәт ҝүнү залымлара вә онлара көмәк едән шәхсләрә, һәтта залымлара кағыз-гәләм һазырлајанлара белә хитаб олунар: «Бирликдә ҹәһәннәмә дахил олун.» (Вәсаилүш-шиә, 12-ҹи ҹилд, 131-ҹи сәһ.)

Залым падшаһын әмрини јеринә јетирән инсан ән чәтин әзабла ҹәһәннәмә дахил едиләр. (Васаилүш-шиә, 12-ҹи ҹилд, 130-ҹу сәһ.)

Имам Риза (ә) узаг јолдан ҝәлмиш ики гонагдан биринә бујурду: Сән намазыны бүтөв гыл! Чүнки залым падшаһын ҝөрүшүнә ҝәлмисән.» (Чүнки ҝүнаһ ишдән өтрү сәфәр етмиш шәхс намазыны гәср јох, бүтөв гылмалыдыр).

Залым падшаһын сарајында Гуран охујан шәхсә охудуғу ајәләрдәки һәрфин һәр биринә ҝөрә 10 дәфә ләнәт олунур. Еләҹә дә онун охудуғу Гурана гулаг асан адама һәр һәрфинә ҝөрә 1 дәфә ләнәт олунур. (Биһарүл-әнвар, 75-ҹи ҹилд, 380-ҹы сәһ.)
4566 بازدید
در حال ارسال اطلاعات...