Шрифт өлчүсү:
А+
А
А-
30 Оҹак 2019

Пис бир әмәли јајан ону илк дәфә ҝөрән кимидир

“Фәһша”ны јајмаг гејри-мүстәгим олараг әхлаг нормаларыны һәдәфә алыр
Фәсад төрәтмәк (позғунлуғу јајмаг)

إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ

"Мөминләр арасында ијрәнҹ ишләрин јајылмасыны истәјәнләр үчүн дүнјада вә ахирәтдә аҹылы-ағрылы бир әзаб вардыр. Аллаһ (онлары) таныјыр, сиз исә танымырсыныз." (Нур, 19).

Изаһ: “Фәһша”нын јајылмасы бу ҝүн – күтләви информасија васитәләринин инкишаф етмәси илә – тәәссүф ки, даһа чох раст ҝәлинән ҝүнаһлардандыр. “Фәһша” дедикдә һәр нөв ашкар вә бөјүк ҝүнаһ нәзәрдә тутулур. Башгаларынын сирләрини вә ҝизли ејибләрини ифша етмәк нәинки онларын шәхси тохунулмазлыг һүгугуну позмаг, һәтта ҝүнаһа үмуми (иҹтимаи) јөн вермәкдир. Јәни ҹәмијјәтдә бәдбинлији јајыр, бир чох ҝүнаһларын гәбаһәтини арадан галдырыр вә ҹәмијјәти әхлаги тәһлүкә вә һәјасызлыгла үз-үзә гојур. Әслиндә “Фәһша”ны јајмаг гејри-мүстәгим олараг әхлаг нормаларыны һәдәфә алыр. Буна ҝөрә дә Аллаһ-Таала тәк фәсады јајанлары јох, һәтта бу мәшум әмәли севәнләри дә дүнја вә Ахирәтдә үзүҹү әзаба дүчар едәҹәкдир. Гејд едәк ки, информасија вә мәтбуат азадлығы, ҹәмијјәти мәсул шәхсләрин мәсулијјәти илә бағлы мәлуматландырмаг вә с. кими бәһанәләр бу ҝүнаһы ишләмәјә дәлил ола билмәз.

Һәдис:
Ислам пејғәмбәри (с): “Пис бир әмәли јајан ону илк дәфә ҝөрән кимидир.” (Кафи, ҹ. 2, сәһ. 356, һәдис: 2).
4026 بازدید
در حال ارسال اطلاعات...