Шрифт өлчүсү:
А+
А
А-
04 Шубат 2019

АЛЛАҺ ИЛӘ МӘХЛУГ АРАСЫНДА ТӘКВИНИ ӘЛАГӘ

Бәзи дуалар бәзи Гуран ајәләри кими бизим дәрк едә билмәјәҹәјимиз мәзмуна маликдир
Имамлардан нәгл олунмуш дуалар чох садә шәкилдә бәјан олунса да, үстүн мәтләбләри бәјан едир. Инсан бу дуалар һагда дүшүнмәли вә онлардан фајдаланмалыдыр. Инсанын һалы һәр нә гәдәр мүнасиб оларса, дуадан даһа чох истифадә едиб бәһрәләнә биләр. Бәзи дуалар бәзи Гуран ајәләри кими бизим дәрк едә билмәјәҹәјимиз мәзмуна маликдир. Лакин бәзән бу сајаг дуалара диггәт јетирмәк инсан үчүн фајдалы олур; мәсәлән, “Ифтитаһ” дуасында охујуруг:

“Һәмд олсун о Аллаһа ки, сәма вә сакинләри Онун горхусундан илдырым кими фәрјад чәкирләр; јер вә әһли Онун горхусундан ләрзәјә ҝәлир; дәрјалар вә Онун дәринлијиндә үзән һәр нә варса, Онун горхусундан ҹуша ҝәлиб, фәрјад гопармагдадыр”.

Гуранда дејилир: “Илыдырм вә бүтүн мәләкләр Аллаһын горхусундан Ону тәсбиһ едирләр.” (“Рәд” сурәси, ајә 13.) “Ҝөјләрдә јердә нә варса, һамысы Аллаһы тәсбиһ едир.” (“Ҹумә” сурәси, ајә 1; “Тәғабун” сурәси, ајә 1.) “Ону тәсбиһ вә ситајиш етмәјән һеч бир мөвҹуд јохдур. Лакин сиз онларын тәсбиһини анламырсыныз.” (“Исра” сурәси, ајә 44.)

Бунлар бизим там сурәтдә дәрк етмәкдә аҹиз олдуғумуз һаллардыр. Тәфсирчиләр дә адәтән бу нөв ајә вә дуаларын мүтәшабеһ олдугларыны билдирирләр. Бәзиләри исә өз дүшүнҹәләри гәдәриндә изаһ верирләр. Лакин бу мәтнләр мәхлуг илә Аллаһ арасында олан бир һәгигәтдән данышыр. Бу әлагәни ҝүҹлү бир ҹазибәјә охшатмаг олар. Аллаһ бәндәләрини тәквини шәкилдә өзүнә тәрәф чәкир. Һәр бир мөвҹуд өз нуру, елм вә идракы һәддиндә Аллаһ илә өз арасында олан әлагәни тәквини шәкилдә дәрк едир. Инсанын тәквини рабитәдән хәбәр тутмасы ону башга варлыглардан фәргләндирән илаһи имтијаздыр. О ихтијари олараг бу әлагәни ҝүҹләндириб Аллаһа доғру һәрәкәт едә биләр.
3784 بازدید
در حال ارسال اطلاعات...