Дүнја рифаһынын кечиҹи олмасы
لَا يَغُرَّنَّكَ تَقَلُّبُ الَّذِينَ كَفَرُوا فِي الْبِلَادِ مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَادُ
"Гој кафирләрин дијарбәдијар ҝәзиб долашмасы сәни алдатмасын! Бу, аз бир мәнфәәтдир. Сонра исә онларын јери Ҹәһәннәмдир. Ора нә пис јатагдыр!" (Али-Имран, 196-197).
Изаһ: Кафирләрин дүнјада даһа чох рифаһ ичиндә јашамасында диггәт олунасы мүһүм бир мәгам будур ки, Гуран әсас етибарилә дүнја һәзләрини чох ашағы вә дәјәрсиз һесаб едир. Белә ки, мөминләрә лајиг билмир вә бөјүк ахирәт немәтләри илә мүгајисә олунмамасыны билдирир. Башга сөзлә, Гуран мөминләри бу һәгигәтлә таныш едир ки, кафирләрин дүнјадакы заһири рифаһы вә шөвкәти онларын (мөминләрин) ахирәтдә наил олаҹағы рифаһла мүгајисә олунаҹаг сәвијјәдә дејил. Бу мадди имканлар онларын әмәлләринин мүкафаты олмаға лајиг дејил. Буна ҝөрә дә онлар бу дүнјада Ахирәт үчүн азугә јығмалы вә дүнја һәзләринә ҝөз јуммалыдырлар ки, вәсфәҝәлмәз Ҹәннәт мүкафатына наил олсунлар.
Һәдис: Имам Сәҹҹад (ә):
“Еј Аллаһын бәндәләри! Билин ки, Аллаһ, өвлијалары үчүн кечиҹи дүнја зинәтини севмир.” (Кафи, ҹ. 8, сәһ. 29).
