Шрифт өлчүсү:
А+
А
А-
02 Март 2019

Сынаг ајәси

Һәзрәт Ибраһим (ә) Аллаһдан өз нәсли үчүн дә имамәт истәди.
وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ قَالَ إِنِّي جَاعِلُكَ لِلنَّاسِ إِمَامًا قَالَ وَمِنْ ذُرِّيَّتِي قَالَ لَا يَنَالُ عَهْدِي الظَّالِمِينَ

"Рәбби Ибраһими (бәзи) кәлмәләрлә сынадығы заман о, бунлары тамамилә јеринә јетирди. (Аллаһ:) “Мән сәни инсанлара имам едәҹәјәм!” – деди. (Ибраһим:) “Нәслимдән дә (имам ет)!” – деди. (Аллаһ:) “Залымлар Мәним (онларла) әһд (бағламағыма) наил олмазлар!” – деди." (Рум, 30).

Изаһ: Бу ајә һәзрәт Ибраһимә (ә) ағыр илаһи сынаглардан башыуҹа чыхдыгдан сонра имамәт мәгамынын верилмәсиндән хәбәр верир. Һәзрәт Ибраһим (ә) Аллаһдан өз нәсли үчүн дә имамәт истәди. Амма Аллаһ тәкидлә билдирди ки, имамәт хүсуси бир мәгамдыр вә онун нәслиндән залым оланлара верилмәјәҹәкдир. Бу ајә имамын мәсум олмасыны ҝөстәрән дәлилләрдән биридир. Чүнки һәр нөв зүлм вә әдаләтсизлијин, һарада олурса олсун, кимин етмәсиндән асылы олмајараг, јүксәк имамәт мәгамындан мәһрум олмаға сәбәб олур. Диҝәр тәрәфдән билирик ки, ҝүнаһ да Аллаһа вә өзүнә зүлм һесаб олунур. Одур ки, имамәт мәгамынын верилмәси үчүн мәсумлуг зәруридир. Гејд едәк ки, бу ајәдән имамәт мәгамынын нүбуввәт мәгамындан үстүн олмасы да ајдын олур. Чүнки һәзрәт Ибраһим (ә) нүбуввәтдән сонра имамәт мәгамына јүксәлди.

Һәдис: İмам Рза (ә): “Бу ајә Гијамәтә гәдәр һәр бир залымын имамәт вә хилафәтини батил едир.” (Кафи, ҹ. 1, сәһ. 199, һәдис: 1).
3796 بازدید
در حال ارسال اطلاعات...