Шрифт өлчүсү:
А+
А
А-
28 Ауғустос 2021

ХХЫ әср инсанынын ағлы вә Талибан “Исламы”

Мәһәррәм ајында, ган төкмәјин һарам олдуғу ајда даһа дәгиг ајларда Әфганистан һөкүмәти илә силаһлы мүнагишәјә ҝирән Талибан нәһајәт ки, јенә Әфган халгына мүсәлләт олду. Өзләрини һәлә ки, ҝүја әһли сүннәнин Һәнәфи мәзһәбинә мәнсуб һесаб едирләр. Бир-ики дәфә һакимијјәтә ҝәлдикләри Әфганистанда ҝүја әзадарлыг мәҹлисләринә дә һөрмәт нүмајиш етдирибләр. Дејирләр ки, биз вәһһаби – ләнәтә ҝәлмиш Језидин төрәмәләри дејилик ки, Имам Һүсејнин (ә) әзадарлыг мәҹлисләрини гадаған едәк.

Амма, Талибана там олараг инанмаг да олмаз. Чүнки бунлар илләр әввәл Әфганистанда һакимијјәтә ҝәлмишдиләр. Халг бунлардан чәкдијини чәкиб. Телевизор, радио вә с. мүасир аваданлыглара саваш ачыб һамысыны шејтанын ихтиралары һесаб етмишдиләр. Гадынлара, гызлара охумаға, ҹәмијјәтә интеграсија етмәјә имкан белә вермирдиләр.

Инди дә ҝүја АБШ Талибанын ҝәлишијлә Әфганистандакы варлығына сон гојуб. Әфганистанда Талибан артыг “Ислам дөвләти” тәсис едиб вә АБШ да бу барәдә Талибана “ҝөзүн үстә гашын вар” демәјиб.

Адиҹә ҝејимләринә белә фикир вермәјән, сәһрада дәвәси итмиш әрәбин дәвәсиндән дә нимдаш бир либасда өзләринә ачдыглары назирликләрдә артыг јерләрини мөһкәмләдибләр. Заһири ҝөркәмләри ејнијлә 90-ҹы илләрдәки бизим вәһһабиләрин ҝөркәмини хатырладыр. Биздәки вәһһабиләрин дә бунлардан фәрги јох иди, амма о гәдәр тәнгид атәшинә тутулдулар ки, өзләрини дүзәлтмәјә, саггалларыны дарамаға башладылар.

Талибан дејәсән нәинки һиҹри гәмәри, шәмси, һеч милади тарихијлә дә ХХЫ әсрдә јашамыр. Чүнки ХХЫ әсрин инсаны ҝөзәл билир ки, ҹамаатын намусуна, гејрәтинә тохунмаманын ваҹиблијини билмәк үчүн һансыса али мәктәбдә охумаг лазым дејил. Һәтта, нәинки ХХЫ әсрин, елә әсрләр әввәлин инсаны да бу ҹүр... Һәр бир ағыллы адам билир ки, башгасынын намусуна хор бахмаг олмаз. Бәли, анҹаг Језид кими Аллаһын ләнәтинә туш ҝәлмиш бигејрәт инсанлар Мәдинә ҹамаатынын намусуну өз бишәрәф сәһабәләринә Һирра һадисәсиндә “һалал” едә биләр. Намусу, шәрәфи олан инсан исә белә бир иш тутмаз. Амма, Талибан “Исламында” исә бу иши билмәк үчүн хүсуси тәлимә еһтијаҹ вардыр.

Талибан сөзчүсү Зәбиһулла Муҹаһид дејир: “Гадынларын евдә галмасы лазымдыр, ән азындан һәләлик. Нијә? Чүнки дөјүшчүләримиздән бәзиләри һәләлик гадынлара зәрәр вермәмәк мәсәләсиндә тәлим ҝөрмәјиб. Бизә јени гатыланларын јетәрли тәлим алмадыглары үчүн гадынларла пис давранмасындан еһтијат едирик. Аллаһ ҝөстәрмәсин, дөјүшчүләримизин гадынлара зәрәр вериб онлары зорламасындан еһтијат едирик” Бунларын башына ат тәпиб нәдир? Мәҝәр, гадынлара зәрәр вермәмәк мәсәләсиндә тәлим ҝөрмәк лазымдыр? Лазымдырса бу тәлими кечиб ондан сонра Әфган халгына мүсәлләт олмалы дејилдинизми? Әлбәттә, бүтүн бунлар бәһанәдир. Мәгсәдләри будур ки, шәри гајдалара белә риајәт едәрәк гызлар охуја билмәсинләр. Бүтүн дүнјада Исламы ҹаһилләр дини кими гәбул етсинләр.

Амма даһа анламырлар ки, ҹамаат бунларын сарсаг фикирләрини ешитдикдә “һејванува шүкүр илаһи” дејир. Исламы да ағылсызларын дини һесаб едир. Һәр ики һалда Исламы ҝөздән салмаға чалышырлар.
600 بازدید
در حال ارسال اطلاعات...