Шрифт өлчүсү:
А+
А
А-
13 Касым 2014

Һизбуллаһ Суријада беш иллик дөјүшә һазырлашыр

Һизбуллаһ артыг Сурија мүһарибәсинин узун сүрәҹәк бир мүһарибә олаҹағы гәнаәтиндәдир. Буна ҝөрә өз стратеҝијасыны узун мүддәт үчүн һазырлајыб.
Nur-az.com-ун Фарс Неwс-а истинадлы мәлуматына әсасән, һазырда Сурија дөрд һиссәјә бөлүнмүшдүр вә һәр бир һиссә бир-бирилә дөјүшүр. Бу өлкә һәм дә парчаланма тәһлүкәсилә гаршы-гаршыјадыр. Хүсусилә өлкәдә олан хариҹи гүввәләрин варлығы ҝәләҹәк 5 илә гәдәр сүрәҹәк.
Бу дөрд һиссә бунлардыр:
1. Сурија вә мүттәфигләри;
2. ИШИД вә она бағлы груплар;
3. Ән-Нүсрә;
4. Азад Сурија Ордусу вә она бағлы груплар.
Һизбуллаһын фикринҹә Суријадакы зәрури вә стратежи планлар беш ил үчүн һазырланыб. Буна ҝөрә дә бу һәрәкат өзүнүн Суријадакы варлығы, һәрби програмлары вә мүдафиә груплары үчүн 5 иллик план һазырлајыб. Бу план тәшкилатын Ливандакы өзәјинә һәр һансы бир зәрбәнин ҝәлмәмәсинә һесабланыб. Суријанын ордусу өлкәнин бөјүк бир әразисинә нәзарәт едир. Бу да Һизбуллаһ үчүн бөјүк бир ҹәбһәдә дөјүш тәлими кечмәк демәкдир.
Һизбуллаһ Суријадакы мүһарибәнин узун мүддәт үчүн һесабландығыны билдији үчүн шәхси һејәт бахымындан чәтинлик чәкмир. Һизбуллаһ билир ки, сонда Сурија илә Ливанын јоллары ајрылаҹаг. Буна ҝөрә дә шура мәҹлиси вә Сејид Һәсән Нәсруллаһа табе олаҹаг бир тәшкилатын Суријада да грулмасыны јолунда да сәј ҝөстәрир. Һазырда Һизбуллаһын јүксәк рүтбәли кадрлары Сурија, Ираг вә Јәмәндә фәалијјәт ҝөстәрирләр. Мүхтәлиф әмәлијјатлары ајрыҹа вә ја Ливанла әлагә јарадараг һәјата кечирирләр. Белә ки, Ираг, Сурија, Ливан вә Јәмәндәки бу фәал варлыг Сејид Һәсән Нәсруллаһын бу сөзләринә там ајдынлыг ҝәтирир: “ Сизинлә мүбаһисә етмәјә вахтымыз галмајыб. Чүнки Һизбуллаһ Ливан сәрһәдләриндән кәнара чыхыб ки, өзүнүн стратежи варлығыны Сурија, Јәмән вә башга јерләрдә сүбута јетирсин.”
Бу арада Һизбуллаһын јүксәк тәҹрүбәли һәрби кадрларынын дүнјанын ән ҝүҹлү ордуларындан бири сајылан Исраил ордусу илә мүһарибәдән газандығы тәҹрүбәси Гүсејр, Гәләмун, Ғутә, Һәләб вә саир Сурија шәһәрләриндә өзүнү ҝөстәрди. Беләҹә Һизбуллаһ Сурија дөвләтинин сәрһәдсиз дәстәјини газанды. Бунунла да әксәријјәти Суријанын өз халгы олан 50 мин нәфәрлик орду һазырлады. Бунларын бәзиси христиан, дәрузи вә әһли-сүннә олсалар да, Һизбуллаһын һәрби әгидәсинә малик олан силаһдашлардырлар.
Сурија режиминин өз истәјилә јаранмыш бу һәрби гүввәләр елә Сурија режими тәрәфиндән тәҹһиз олунурлар. Сурија Һизбуллаһы Сурија ордусу илә там әмәкдашлыг едир, өлкәнин сијасәт вә стратежи һәрби һәдәфләрини дәстәкләјир. Бу гүввәләр Суријада ишғалдан азад едилмиш әразиләрин горунмасында вә бәзи сәрһәд мәнтәгәләрә нәзарәт етмәкдә вәзифәлидирләр.
Һизуллаһ Сурија вә Ирагдакы аддымларыны Ливандакы аддымларынын ајрылмаз һиссәси сајыр. Тәшкилат бу фикирдәдир ки, ИШИД вә ән-Нүсрәнин бу өлкәләрдә олдуғу мүддәтдә, Һизбуллаһ да бу өлкәләрдә олмалыдыр. Һизбуллаһын Ираг вә Суријадакы бүтүн гүввәләри Ливандакы баш команданлыға табедирләр. Белә ки, баш команданлыг нәјисә зәрури сајса, онлар вәзијјәти дәјишә биләрләр. Һизбуллаһын фикринҹә Исраиллә мүһарибә еһтималы һәмишә вар. Буна әсасән, бу еһтимал реала чеврилсә өз гүввәләрини сәфәрбәр етмәкдә проблемлә гаршылашмајаҹаг. Чүнки өзүнү бу еһтимал үчүн там һазырлајыб. Буна ҝөрә дә Һизбуллаһын ҝениш јајылмасына ҝөрә өз гүввәләрини топарламагда чәтинликлә үзләшәҹәји барәдә иддиалар һәгигәти әкс етдирмир.
Бу мәсәлә Иран һаггында да там анламы илә реалдыр. Иранын СЕПАҺ гүввәләринин һәрби командирләри вә пешәкар гүввәләринин Ливан вә Суријада Һизбуллаһла бирҝә олмасы Гәрб вә бүтүн тәкфирчи террорчулара бир месаждыр; Ливан, Сурија вә Ираг Иранын стратежи әһәмијјәт вердији әразидир. ИШИД әлејһинә коалисија гүввәләринин һавадан һүҹуму һеч вахт гуру әмәлијјатларынын јерини верә билмәз. Иран Ливандан башга өзүнә мүттәфиг өлкәләрин истәји олдугда һеч бир көмәји әсирҝәмәјәҹәк. Ливанда исә Һизбуллаһ өзү реҝионун стратежи мәнафејини тәһдид едән стратежи тәһлүкәләри дәф етмәјә гадирдир. Истәр бу тәһлүкә дахилдән олсун, истәрсә дә хариҹдән.
4783 بازدید
در حال ارسال اطلاعات...