Вади әс-Сәлам Ирагын Нәҹәф шәһәриндәки бир гәбристанлығын адыдыр. Буранын мәшһурлуғунун сәбәби гәбристанлығын гијамәт ҝүнү бир нечә пејғәмбәр, имам вә мөминин рәҹәт јери олаҹағы һаггында рәвајәтләрә ҝөрәдир. Вади әс-Сәлам гәбристанлығы Нәҹәф шәһәриндә Имам Әлинин һәрәминин шимал һиссәсиндә јерләшир. Бу гәбристанлыг Јахын Шәргин ән бөјүк гәбристанлығы сајылыр. Гәбристанлыг ҹәнубдан Имам Әлинин (ә) һәрәми вә Нәҹәф-Куфә проспекти (Әли ибн Әбиталиб (ә) проспектинә), Шәргдән Нәҹәф-Куфә јолу, шималдан Һәјј әл-муһәндисин вә гәрбдән кечмиш Нәҹәф су һөвзәсилә әһатә олунуб. Һәдисләрә әсасән, мөминләрин руһу бу гәбристанлыгда бир араја ҝәлирләр. Дүнјадан көчән һәр бир мөминин руһуну мәләкләрдән бири бураја ҝәтирир. Бу гәбристанда дәфн едилән шәхсә гәбир әзабы верилмәз. Ислам пејғәмбәри (с) дә бу барәдә Һәзрәт Әлијә (ә) бујурур: “Сән мәним гардашымсан. Мәнимлә сәнин ҝөрүш вәдәм Вади әс-Сәламдадыр.”
Nur-az.com АБНА-ја истинадла бу гәбристанлығын фотоларыны сизә тәгдим едир:
