Заваллы инсан өзүнү мәрһум Һаҹы Зејнәлабидинлә мүгајисә едир
Елшад Миринин тәгрибән 15 дәгигәлик бир видеосу гаршыма чыхды. Видеодакы башлыг ("Гызым барәдә сөз атан инсанабәнзәр мәхлуглар") диггәтими чәкди. Видеону изләдим. Сән демә Елшад Мири гызыны АБШ-а охумаға ҝөндәриб, бу барәдә сосиал шәбәкәдә фото пајлашыб. Даһа сонра диндар (вәһһаби) вә динсизләр башлајыб Елшад Миријә саташмаға. Бирмәналы гашыланмајан тәнгидләр исә даһа чох гызынын һиҹабсыз олмасыјла бағлыдыр.
Öнҹәликлә дејим ки, Елшад Мири һәмин шәрһләрдән бир нечәсини видеода охујур вә мәлум олур ки, онун гызына кимсә сөз демәјиб. Затән гејрәтли инсан башгасынын гејрәтинә бир сөз демәз. Бүтүн тәнгидләр әслиндә Елшадын өзүнә истигамәтлидир. Чүнки бир гыз һиҹабсыздырса бу ишдә тәбии ки, аиләнин, хүсусән атанын, хүсусән ҹамаата бүтүн ҝүнү диндән дәм вуран, јалан, әсассыз, хәстә мәлуматлар өтүрән бир атанын да ҝүнаһы вардыр. Елшад Мири өзүнү елмә-тәһсилә гијмәт верән бир инсан кими ҝөстәрмәкдән өтрү видеонун әввәлиндә Бакыда гызлар мәктәби ачмыш Зејнәлабидин Тағыјевин фотосуну гојуб вә чыхышын сонунда дејир ки, о вахт Һаҹыја (башга вахт Исламда "һаҹы" анлајышы јохдур дејән инсан инди Һаҹы сөзүнү өзү ишләдир) лағ едирдиләр, инди дә мәнә. Јәни, о белә демәклә 20-ҹи әсрин илк илиндә гызлар мәктәби ачмыш Тағыјеви өзүјлә бир тутур.
Елә илк олараг бу мөвзудан башлајаг. Дүздүр, демәк олар онун бүтүн данышдыглары, мүгајисәләри јерсиздир, һеч дә дүз ҝәлмир, анҹаг һәмишә олдуғу кими бу дәфә дә авам ҹамааты алдатмаға чалышыб. Амма алынмајыб. Инди ҝөрәҹәксиниз нијә?
Демәли, гызлар мәктәбиндән дәм вуран Елшад Мири өзүнү Һаҹы Зејнәлабидин Тағыјевлә мүгајисә едир. Биринҹиси Зејнәлабидин Тағыјев гызыны хариҹдә охумаға ҝөндәрмир, әксинә өзү пул хәрҹләјиб гызлар мәктәби ачыр. Елшад Миринин исә дәбдәбәли офиси, сајты, каналы, офисдә апаратурасы, һәр ҹүр баһалы телефон, компјутер вә с. аваданлыглары вардыр. Адам бир вахтлар Фәтулла Ҝүләнә, Аднан Октара да гошулмушду. Бундан әлавә вәһһаби фикирләрини ҹәмијјәтдә јајдығы үчүн вәһһабиләр она спонсорлуг едирди, журналыны чап еләтдирир, пул вериб алыб ишини габаға апарырдылар. (Башга вахт шиә руһаниләрини диндән бизнес гурмагда иттиһам едир) Инди исә дедији кими бизнес саһибидир. Имканы јахшы олдуғу һалда бу имканатын һеч бириндән Һаҹы етдији кими истифадә етмир.
Икинҹиси, Елшадын мәнтигсизлији, дүшүнҹәсизлији (амма өзү ҹамаата мәлум чыхышында "дардүшүнҹәли" дејир) она имкан вермир ки, гызлар мәктәбинин ады барәдә ҹидди дүшүнсүн. Мәктәбин ады үстүндәдир: гызлар мәктәби. Јәни бу мәктәбдә оғлан охумур, һамысы гыздыр. Үстә ҝәл ҝејим формасы да башы јајлыглыдыр. (Истәсә интернетдә ахтарыб бу барәдә фото вә јазыларла таныш ола биләр) Јохса АБШ-да да мүсәлманлара ујғун анҹаг гызлардан ибарәт бир мәктәб вардыр. Јохса орада да Һаҹынын мәктәбиндә олдуғу кими ҝејим формасына һиҹаб да дахилдирми? Әҝәр јохдурса бәс нијә Һаҹынын јолуну ҝетмирсән. Әҝәр вардырса вај сәнин һалына ки, христианлар һиҹаблы мәктәб тәсис едибләр, сән исә һиҹабы өнәмсәмирсән.
Üчүнҹүсү, мәрһум Һаҹынын мәктәбиндә дүнјәви тәһсиллә бәрабәр дини дәрсләр, шәриәт дәрсләри дә мөвҹуд иди. Сәнин тәрифләдијин АБШ мәктәбиндә дә бу ҹүрдүрмү? Сән өзүнү илаһијјатчы һесаб етдијин, ефирләрдә ҹамаата диндән данышдығын һалда индијәдәк аиләнә, өвладына һиҹабдан данышмамысанса вај сәнин һалына.
Дөрдүнҹүсү, бир вахтлар Азәрбајҹанда фәалијјәт ҝөстәрән вә Елшад Миријлә ејни әгидә бөлүшән нурчуларын мәктәбләриндә дә һиҹабсызлыг вүсәт аыб ҝедирди. Онлар мүсәлман гызынын һиҹабынын олмасына чох да әһәмијјәт вермирдиләр.
Бешинҹиси, Һаҹы Зејнәлабидин Тағыјевин гызлар мәктәбини нүмунә ҝәтирирсән, һәмин гызлар мәктәбиндә гызлар башөртүклү олдуғу һалда, Азәрбајҹанда һиҹаб гадағасы оланда, мәктәбдә мәһдудијјәтләр мејдана чыханда нә әҹәб сәнин јадына Һаҹы Зејнәлабидин Тағыјев вә онун гызлар мәктәби дүшмүрдү?
Арды вар
